Layihənin məqsədi

Layihənin məqsədi seçilmiş məktəblərdə müxtəlif təlimlərdən keçmiş müəllimlər və inzibati-idarəetmə həyəti üzvlərinə İKT-nin təhsilə tətbiqi və peşəkarlıq səviyyəsinin təkmilləşdirilməsi istiqamətində mentorluq xidmətləri göstərməkdir. Pedaqoji heyətin peşəkarlığının inkişafına və təkmilləşdirilməsinə dəstək göstərəcək mentorlar: • təhsil müəssisələrindəki və məktəblərdəki real vəziyyəti qiymətləndirir; • mentorluq dəstəyi göstəriləcək müəllimləri və inzibati heyəti müəyyən edir; • pedaqoji heyətin peşəkarlığının inkişafına və təkmilləşdirilməsinə dəstək göstərmək istiqamətində məqsədlər müəyyən edir; • əyani və distant dəstək göstərməklə pedaqoji heyətin təkmilləşmə prosesini təşkil və müşahidə edir; • mentorluq dəstəyi göstəriləcək hər bir müəllim və inzibati heyət üzvü üçün fərdi inkişaf planı tərtib edir; • pedaqoji heyətin fəaliyyətinin təkmilləşmə prosesini təhlil edir; • pedaqoji heyətin fəaliyyətinin təkmilləşmə prosesini qiymətləndirir. Layihə çərçivəsində pedaqoji və inzibati-idarəetmə heyətinin üzvləri üçün xüsusi təlimlərdən keçmiş mentorlar təyin olunur. Hər mentor dəstək göstərəcəyi müdavimləri ilə İKT-nin tədrisdə tətbiqi üzrə fəaliyyət planı və fərdi peşəkar inkişaf planı qurur, qısa- və uzun-müddətli məqsəd, altməqsədlər və mərhələlər təyin edir. Layihə nəticəsində iştirak edən müəllim və inzibati-idarəetmə heyətinin üzvləri İKT-nin təhsilə tətbiqi üzrə fərdi planlar tərtib edib, onları mentorun dəstəyi ilə tədris ili ərzində reallaşdıracaq.